FIFA U-17 qadınlararası dünya çempionatında iştirak edəcək komandaların ölkəmizə gəlişi davam edir. İdman.com.az saytının məlumatına görə, Kanada və Kolumbiya milli yığmalarının ardınca futbol üzrə U-17 qadınlardan ibarət Çin milli komandası da artıq Azərbaycandadır. Onları Heydər Əliyev adına Beynəlxalq Hava Limanında FIFA U-17 qadınlararası dünya çempionatı Azərbaycan 2012-nin rəsmi maskotu Top Top Qız qarşılayıb. Top Top Qız bu dəfə də qarşılama ənənəsini davam etdirərək qonaqlara gül buketləri təqdim edib, qonaqpərvərliyini nümayiş etdirib.
Sonra qrup şəkli çəkdirən futbol üzrə U-17 qadınlardan ibarət Çin milli komandasının oyunçuları və nümayəndə heyəti kiçik fotosessiyanın ardından qalacaqları otelə doğru yola düşüblər. Qeyd edək ki, komanda heyəti bu cür diqqətli və qonaqpərvər qarşılanmadan, mehriban münasibətdən məmnun olduqlarını nümayiş etdiriblər.
Xəbər 1103 dəfə oxundu.