Ümumdünya Şahmat Olimpiadası: Yığmalarımız Türkiyə və İsrail komandaları ilə qarşılaşacaqlar
Hindistanın Çennay şəhərində 44-cü Ümumdünya Şahmat Olimpiadası davam edir.

Bu gün keçiriləcək 4-cü turda kişilərdən ibarət komandamız (Şəhriyar Məmmədyarov, Rauf Məmmədov, Qədir Hüseynov, Vasif Durarbəyli) Türkiyə, qadın yığmamız (Günay Məmmədzadə, Gövhər Beydullayeva, Xanım Balacayeva və Ülviyyə Fətəliyeva) isə İsrail şahmatçıları ilə mübarizə aparacaqlar.

Qeyd edək ki, şahmatçılarımız ötən turları qalib başa vurublar.

Olimpiadada kişilərin yarışında 188, qadınların turnirində isə 162 ölkədən komandalar mübarizə aparırlar.

İsveçrə sistemi üzrə keçirilən və 11 turdan ibarət yarış avqustun 9-dək davam edəcək.

Xəbər 211 dəfə oxundu.