| "Əziz Şuşa" beynəlxalq veloyürüşü: İlk mərhələdə uğur qazanan idmançılara mükafatlar təqdim edilib | |
|
“Əziz Şuşa” beynəlxalq velosiped yarışının ilk mərhələsində uğur qazanan idmançılar mükafatlandırılıblar. Pirallahı rayonunda “Nərəkənd” parkının yaxınlığında 21 kilometr məsafəyə fərdi ötüşmə növündə qalib gələn Azərbaycan millisinin və Türkiyənin "Sakarya BB Pro Team" kontinental klubunun üzvü Elçin Əsədova qızıl medalı Azərbaycan Velosiped Federasiyasının (AVF) prezidenti Mədət Quliyev təqdim edib. Qurumun vitse-prezidenti Robert Eyyubov isə idmançıya idman forması verib. İkinci yeri tutan yığmanın digər velosipedçisi Musa Mikayılzadə gümüş, üçüncü pillədə qərarlaşan Rumıniyanın "Styaua" komandasının üzvü Kristian Tsvetkov isə bürünc medalla təltif ediliblər. Qeyd edək ki, iyulun 10-da gerçəkləşəcək ikinci mərhələ Füzuli Beynəlxalq Hava Limanından start götürəcək və Şuşa şəhərindəki “Qarabağ” hotelinin qarşısında başa çatacaq. İdmançılar sonuncu yarış günündə 71 kilometr məsafəyə qrup ötüşməsində güclərini sınayacaqlar. |
|
|
Xəbər 282 dəfə oxundu. |
|
|
|