Çimərlik futbolu üzrə Azərbaycan millisi Almaniya yığmasına qalib gəlib

Çimərlik futbolu üzrə Azərbaycan milli komandası Avropa çempionatının seçmə mərhələsində (EBSL-2022) növbəti oyununu keçirib. Portuqaliyanın Nazare şəhərində Almaniya yığması ilə qarşılaşan millimiz 6:5 hesablı qələbə qazanıb. Hüseyn Axundovun dubl etdiyi oyunda millimizin digər qollarını Amid Nəzərov, Elşad Manafov, Orxan Məmmədov və Elçin Qasımov vurublar. Komandamız seçmə mərhələdə növbəti oyununu bu gün İspaniya millisinə qarşı keçirəcək. Millimiz ilk oyunda İtaliya seçməsinə 3:7 hesabı ilə məğlub olub.

Xəbər 331 dəfə oxundu.