Bolqarıstan yığmasındakı işinə görə ona düşən pulu hələ də tam ala bilməyən Lotar Matteus hirsini «açaram sandığı, tökərəm pambığı» şüarı ilə töküb. İdman.com.az saytının məlumatına görə, məşqçi ölkə futbolundakı mənfi hallardan danışaraq deyib:«Mənim bu komanda ilə işimdə xoşagəlməz hallar çox olub. Məsələn, 2011-ci ildə Belarusla oyundan sonra rejimi pozsalar da, heç bir cəza almadılar. Çünki onları federasiyanın prezidenti Borislav Mixaylov müdafiə edirdi. Bu səbəbdən də onlar məsul oyunlar dövründə arxayın barlarda içə, qadınlarla əylənə bilirdilər. Mən İvelin Popovu bu səbəbdən kənarlaşdırmaq istəyəndə, bunu etməyimə imkan vermədilər. Bolqar yığması ilə işimi karyeramda bir səhv hesab edirəm».
Xəbər 1041 dəfə oxundu.