“Təhsil” Respublika İdman Mərkəzinin təmsilçiləri beynəlxalq yarışda yüksək nəticələr əldə ediblər.Türkiyənin Karaman şəhərində keçirilən cüdo üzrə beynəlxalq turnirdə mərkəzin 10 nömrəli Uşaq-Gənclər İdman Məktəbinin idmançıları 4 qızıl, 1 bürünc medal qazanaraq komanda hesabında ikinci yerə çıxıblar. Qızıl medalı yığmanın aktivinə Cəfər İsmayıl (34 kq), Murad Kəbirov (42 kq), Tamerlan Məmmədov (+60 kq) və Sübhan Axundov (+73 kq) yazdırıblar. Digər cüdoçumuz Davud Sadıxov (50 kq) isə bürünc medala sahib olub.
Yarışda 5 ölkədən 350-dən çox idmançı mübarizə aparıb.
Xəbər 528 dəfə oxundu.