UEFA Avropa Liqasının yarımfinal mərhələsinə start verilib | |
UEFA Avropa Liqasında yarımfinal mərhələsinə start verilib. Turnirin favoritlərindən Almaniyanın "Leyptsiq" klubu doğma meydanda Şotlandiyanın "Qlazqo Reyncers" komandasını qəbul edib. "Red Bull Arena"dakı görüşün taleyini 1 qol həll edib. Matçın 85-ci dəqiqəsində fərqlənən Anxelinyo meydan sahiblərinə qələbə qazandırıb. Gecənin digər qarşılaşmasında İngiltərənin "Vest Hem Yunayted" klubu eyniadlı stadionda Almaniyanın "Ayntraxt" komandasını sınağa çəkib. Oyun qonaqların 2:1 hesablı qələbəsi ilə başa çatıb. İlk qolu 1-ci dəqiqədə Frankfurt təmsilçisindən Ansqar Knauff vurub. Oyunun 21-ci dəqiqəsində meydan sahiblərindən Maykl Antonio hesabı bərabərləşdirib. Son nöqtəni isə 54-cü dəqiqədə "Ayntraxt"dan Daiti Kamada qoyub. |
|
Xəbər 261 dəfə oxundu. |
|
|