Qadın futbolçulardan ibarət Azərbaycan milli komandası dünya çempionatının seçmə mərhələsində bu gün növbəti oyununu keçirəcək.Komandamız Sarayevo şəhərindəki Grbavica stadionunda Bakı vaxtı ilə saat 17:00-da Bosniya və Herseqovina millisi ilə qarşılaşacaq.
Oyunu İngiltərədən olan hakimlər briqadası idarə edəcək. Matçın baş hakimi Körsti Dovl olacaq. Ona Melissa Börgin və Sofie Denninqton kömək edəcəklər. Dördüncü hakim funksiyasını Lisa Ben yerinə yetirəcək.
Millimizin yer aldığı E qrupuna 18 xalla Danimarka millisi başçılıq edir. Rusiya 15 xalla ikinci, Monteneqro 9 xalla üçüncü, Bosniya və Herseqovina 4 xalla dördüncü, eyni xala malik Malta isə beşinci pillədə yer alıblar. Azərbaycan seçməsi 3 xalla sonuncu – altıncı pillədə qərarlaşıb.
Xəbər 267 dəfə oxundu.