Sloveniyada kişi şahmatçılar arasında şəxsi Avropa çempionatında 10-cu turun oyunları keçirilib.Liderlər qrupunda mübarizə aparan Abdulla Qədimbəyli 10-cu turda məğlub olmaqla üstünlüyü əldən verib. Son tur ərəfəsində 1 xal itirən şahmatçımız ikinci yerdən 6-cı sıraya düşüb. Aktivində 7 xal olan şahmatçımız komanda yoldaşları Misrətdin İsgəndərov, Qədir Hüseynov və Vasif Durarbəyli ilə birgə 6-25-ci yerləri bölüşür.
Yarış cədvəlinə 8 xalla almaniyalı Matias Blubaum başçılıq edir.
İsveçrə sistemi üzrə təşkil olunan yarış 11 turdan ibarətdir. Turnirin ümumi mükafat fondu 100 min avro təşkil edir. Qitə birinciliyinin nəticələrinə əsasən, 20 şahmatçı 2023-cü ildə keçiriləcək dünya kuboku yarışlarına vəsiqə qazanacaq.
Xəbər 269 dəfə oxundu.