Avropa Cüdo Birliyi (EJU) Portuqaliyanın paytaxtı Lissabonda Beynəlxalq Cüdo Federasiyası (IJF) tərəfindən bu ilin əvvəlində tətbiq edilən yeni hakimlik və məşqçilik qaydaları ilə bağlı seminar keçirib.Seminarda müxtəlif ölkələrin beynəlxalq dərəcəli hakimləri iştirak ediblər.
EJU-nun hakimlər üzrə direktoru Aleksandr Yatkeviç çıxışında bildirib ki, təşkil olunan seminar cüdo üzrə biliklərini təkmilləşdirən peşəkar hakim və məşqçilər üçün əla fürsətdir. Bu tədbir, eləcə də idmançılar və idman həvəskarları üçün də çox faydalıdır.
Qeyd edək ki, seminarda ACF-in prezidentinin müşaviri, Əməkdar idman ustası Natiq Bağırov və federasiyanın hakimlər üzrə meneceri, Beynəlxalq dərəcəli hakim Mətin Rəhimli də iştirak ediblər.
Xəbər 346 dəfə oxundu.