Martın 13-də Xorvatiyanın Poreç şəhərində boks üzrə gənclər arasında Avropa çempionatı start götürəcək.Martın 23-dək davam edəcək qitə birinciliyində Azərbaycan komandası 7 idmançı ilə təmsil olunacaq. Millinin böyük məşqçisi Nəriman Abdullayev U-22-lərin yarışında Nicat Hüseynov (51 kq), Ruslan Qədirov (54 kq), Maqsud Xasmetov (57 kq), Cəlal Qurbanov (63,5 kq), Nəbi İsgəndərov (67 kq), Mirşərif Kazımzadə (75 kq) və Murad Allahverdiyevə (80 kq) şans verəcək. Çempionatda beynəlxalq dərəcəli referimiz Anar Babanlı da hakimlər sırasında yer alacaq.
Komandaya federasiyanın idarə heyətinin üzvü Rövşən Hüseynov rəhbərlik edir. Boksçularımız Bakıya martın 25-də qayıdacaqlar.
Qeyd edək ki, 13 çəki dərəcəsi üzrə keçiriləcək Avropa çempionatının püşkü martın 12-də atılacaq.
Xəbər 286 dəfə oxundu.