Üç sərbəst güləşçimiz Avropa çempionatının yarımfinal mərhələsinə yüksəlib | |
Bolqarıstanın Plovdiv şəhərində keçirilən 23 yaşadək güləşçilərin Avropa çempionatı sona yaxınlaşır. Qitə birinciliyinin altıncı günündə - martın 12-də son 4 sərbəst güləşçimiz mübarizəyə qoşulub. Təmsilçimiz Cəbrayıl Hacıyev (74 kq) ilk mərhələdə erməni Menua Yaribekyana heç bir şans tanımayıb - 12:2. C.Hacıyev dörddəbir finalda avstriyalı Simon Marçl ilə gərgin keçən görüşdən də qalib ayrılıb – 4:3. Güləşçimiz yarımfinalda Türkiyə təmsilçisi İsmet Çiftçi ilə qarşılaşacaq. Abubakr Abakarov (86 kq) startda bolqarıstanlı Xristo İliyevə vaxtından əvvəl qalib gəlib - 10:0. A.Abakarov dörddəbir finalda Fransa təmsilçisi Raxim Maqamedovdan güclü olub - 6:0. Təmsilçimiz yarımfinalda türkiyəli Emre Çiftçiylə üz-üzə gələcək. Milli komandamızın üzvü Abdulcəlil Şabanov (92 kq) ilk görüşdə Albaniya güləşçisi Emiyano Onuziyə vaxtından əvvəl qalib gəlib - 10:0. Ancaq həmyerlimiz dörddəbir finalda gürcüstanlı Daviti Koquaşviliylə bacarmayıb - 2:13. Mübarizəyə dörddəbir finaldan qoşulan Aydın Əhmədov (125 kq) erməni Hovannes Maqakyanı xalçadan məyus yola salıb - 5:1. Pəhləvanımız yarımfinalda gürcü Solomon Manaşviliylə münasibətləri aydınlaşdıracaq. Yarımfinal görüşləri Bakı vaxtı ilə saat 18:45-də başlayacaq. |
|
Xəbər 273 dəfə oxundu. |
|
|