Martın 2-də 2006-2007-ci il təvəllüdlü voleybolçu qızlar arasında keçirilən Bakı birinciliyi başa çatıb.Azsport.az Azərbaycan Voleybol Federasiyasının mətbuat xidmətinə istinadla xəbər verir ki, 6 komanda – “Azərreyl-1”, “Abşeron”, “Murov”,
“Xətai”, “Sərhədçi” və “Azərreyl-2”nin iştirak etdiyi yarış dairəvi sistem üzrə təşkil olunub.
Maraqlı idman mübarizəsi şəraitində keçən görüşlərdən sonra 7 xal toplayan “Abşeron” qalib adını qazanıb. Çempiondan 1 xal az yığan “Sərhədçi” ikinci yeri tutub. İlk üçlüyü 4 xalla “Xətai” qapayıb.
Azərbaycan Voleybol Federasiyası və Bakı Şəhər Gənclər və İdman Baş İdarəsinin birgə təşkilatçılığı ilə keçirilən turnirin qaliblərinə medal və diplomlar verilib. Mükafatları Azərbaycan Voleybol Federasiyasının baş katibi Fərid Xəlilov, “Sərhədçi” voleybol klubunun prezidenti Firdovsi Umudov, Bakı Şəhər Gənclər və İdman Baş İdarəsinin rəis müavini Samir Kazımov və digərləri təqdim ediblər.
Xəbər 340 dəfə oxundu.