Azərbaycan Yüksək Liqasında növbəti turların keçirilmə yeri və vaxtı dəqiqləşib | |
Kişi voleybolçular arasında Azərbaycan Yüksək Liqasında növbəti turların keçirilmə yeri və vaxtı dəqiqləşib. Azsport.az Azərbaycan Voleybol Federasiyasının mətbuat xidmətinə istinadla xəbər verir ki, fevralın 23-də yeddinci turun matçları keçiriləcək. Günə saat 15:00-da “Neftçi” - MOİK qarşılaşması ilə start veriləcək. Ardınca saat 17:00-da “Ekspress” - “Murov” matçı başlayacaq. Fevralın 27-də isə səkkizinci tur çərçivəsində ilk olaraq meydana “Sərhədçi” və “Neftçi” komandaları çıxacaqlar. Oyun saat 15:00-da başlayacaq. Bu qarşılaşmadan 2 saat sonra MOİK - “Ekspress” duelinə start veriləcək. Hər iki turun oyunları “Sərhədçi” İdman Olimpiya Mərkəzində təşkil olunacaq. Qeyd edək ki, pandemiya səbəbindən karantin qaydalarına uyğun olaraq oyunlara azarkeş buraxılmır. |
|
Xəbər 277 dəfə oxundu. |
|
|