Rauf Əliyev Azərbaycan çempionatlarında 300-cü oyununu keçirib. “Səbail”in hücumçusunun yubileyi Premyer Liqanın XV turuna təsadüf edib.“Sumqayıt”la ev matçınadək 299 oyuna çıxan forvard üçün 1:1 hesablı heç-heçə yubiley xarakteri daşıyıb. Futbolçu bu matçlarda 63 qol vurub.
Ölkə çempionatında 2006/2007-ci il mövsümündə debüt edən R.Əliyevin ilk komandası “Qarabağ” olub. O, Ağdam təmsilçisində 131 (23 qol), “Səbail”də 41 (9), “Bakı”da 38 (11), “Keşlə”də 36 (12), “Qəbələ”də 23 (4), “Neftçi”də 20 (1), “Xəzər Lənkəran”da 11 (3) oyun keçirib.
Xəbər 471 dəfə oxundu.