Azərbaycan şahmatçıları Macarıstanda beynəlxalq turnirlərdə uğurlu çıxışlarını davam etdirirlər | |
Macarıstanın paytaxtı Budapeştdə beynəlxalq qrosmeyster və usta normalı turnirlərdə Azərbaycan şahmatçıları uğurlu çıxışlarını davam etdirirlər. Beynəlxalq qrosmeyster normalı turnirdə təmsilçimiz Kənan Qarayev 6 turdan 4,5 xal toplayaraq birinci pillədə qərarlaşıb. Beynəlxalq usta normalı turnirdə isə digər şahmatçımız Azər Mirzəyev 6 turdan 5,5 xal toplayıb. O, bu nəticə ilə turnir cədvəlinə başçılıq edir. Hər iki turnir dairəvi sistem üzrə keçirilir və 9 turdan ibarətdir. Yarışlar fevralın 3-dək davam edəcək. |
|
Xəbər 261 dəfə oxundu. |
|
|