Azərbaycan Yüksək Liqasında növbəti görüşlərin başlama yeri və vaxtı dəqiqləşib | |
Kişi voleybolçular arasında Azərbaycan Yüksək Liqasında növbəti görüşlərin başlama yeri və vaxtı dəqiqləşib. Azsport.az Azərbaycan Voleybol Federasiyasına istinadla xəbər verir ki, birinci dövrə çərçivəsində keçiriləcək matçlar fevralın 2-də və 5-də təşkil olunacaq. Fevralın 2-də saat 15:00-da IV turun MOİK – “Sərhədçi”, ardınca 17:00-da isə “Murov” – “Neftçi” matçı keçiriləcək. Fevralın 5-də isə üçüncü turdan təxirə salınan “Sərhədçi” – “Murov” qarşılaşması olacaq. Oyunun start fiti saat 15:00-da veriləcək. Görüşlər “Murov” voleybol klubunun idman zalında baş tutacaq. Qeyd edək ki, pandemiya səbəbindən karantin qaydalarına uyğun keçirilən oyunlar azarkeşsiz keçiriləcək. |
|
Xəbər 296 dəfə oxundu. |
|
|