Futbol üzrə Afrika Millətlər Kubokunun bütün yarımfinalçıları müəyyənləşib.Dörddəbir final mərhələsinin ikinci oyun günündə iki qarşılaşma baş tutub.
Günün ilk matçında Misir yığması Mərakeş seçməsi ilə üz-üzə gəlib. Misirlilər əlavə vaxtda Mərakeşə 2:1 hesabı ilə qalib gəlib. Qarşılaşma Kamerunun paytaxtı Yaunde şəhərində keçirilib. Misir yığmasının qollarını Məhəmməd Salah (53-cü dəqiqə) və Trezeqe (100) vurub. Mərakeşin heyətində isə Sofian Bufal fərqlənib (7).
Yarımfinalda Misir yığması dörddəbir finalda Qambiya komandasını məğlub edən (2:0) Kamerun komandası ilə oynayacaq.
Son iştirakçının adı Seneqal və Qvineya yığmaları arasında keçirilən görüşdən sonra bəlli olub. Matç senqallıların 3:1 hesablı qələbəsi ilə yekunlaşıb. Seneqalın heyətində Famara Diyedu (28), Şeyx Kuyate (68), İsamyıla Sarr (78), Qvineyanın heyətində isə Jannik Buyla fərqlənib. Seneqal millisi yarımfinalda Burkino-Faso yığması ilə üz-üzə gələcək.
Yarımfinal görüşləri fevralın 2-də və 3-də keçiriləcək.
Xəbər 419 dəfə oxundu.