Fərid Qayıbov əlilliyi olan şəxslərin Peşə-Əmək Reabilitasiya Mərkəzində olub
Gənclər və idman naziri Fərid Qayıbov əlilliyi olan şəxslərin Peşə-Əmək Reabilitasiya Mərkəzində olub. Burada yaradılmış şəraitlə və Mərkəzin fəaliyyəti ilə maraqlanıb, Azərbaycan Boccia Federasiyasının nümayəndələri və idmançıları ilə görüşüb.

Görüş zamanı qarşıdakı yarışlara hazırlıq prosesi müzakirə edilib, idmançıların məşqləri barədə məlumat verilib, boccia idman növü üzrə məşqlər nümayiş olunub. Qeyd edilib ki, əlilliyi olan idmançılar arasında bu idman növünə xüsusi maraq var və onların reabilitasiyasında boccia xüsusi əhəmiyyət daşıyır.

Görüşdə nazir müavini Mariana Vasileva və Milli Paralimpiya Komitəsinin prezidenti İlqar Rəhimov da iştirak ediblər.

Xəbər 366 dəfə oxundu.