Azərbaycan Super Liqasında təxirə salınan matçların vaxtları və keçirilmə yeri dəqiqləşib | |
Qadın voleybolçular arasında Azərbaycan Super Liqasında təxirə salınan matçların vaxtları və keçirilmə yeri dəqiqləşib. Azsport.az Azərbaycan Voleybol Federasiyasına istinadla xəbər verir ki, yanvarın 14-də hava şəraiti ilə bağlı keçirilməyən birinci dövrənin ikinci turunun oyunları ayın 25-də baş tutacaq. Günün ilk qarşılaşmasında - saat 16:00-da “Azərreyl” ilə “Abşeron” üz-üzə gələcək. Liderlərin duelindən 2 saat sonra UNEC – “Murov” oyununa start veriləcək. Hər iki qarşılaşma Azərbaycan Voleybol Federasiyasının idman zalında təşkil olunacaq. Qeyd edək ki, pandemiya səbəbindən karantin qaydalarına uyğun keçirilən oyunlara azarkeşlər buraxılmayacaq. |
|
Xəbər 301 dəfə oxundu. |
|
|