“Sumqayıt” futbol klubu dövrələrarası fasilədə daha bir futbolçunu heyətinə cəlb edib. Belə ki, son olaraq Kiprin “Etnikos” klubunda çıxış etmiş Araz Abdullayevlə müqavilə (6 ay + 2 il şərti ilə) imzalanıb.Təcrübəli oyunçu komanda da “78” nömrəli formada çıxış edəcək.
Qeyd edək ki, Araz Abdullayev son klubu olan “Etnikos”da meydana çıxdığı 12 qarşılaşmada 3 məhsuldar ötürmə ilə yadda qalıb. 29 yaşlı yarımmüdafiəçi “Neftçi”, “Panionios”, “Qəbələ”, “Anortosis”, “Qarabağ” və “Boluspor” kimi klubların uğurları üçün də çalışıb. A.Abdullayev U-17, U-19, U-21 və “A” milli komandalarının da şərəfini qoruyub.
Xəbər 453 dəfə oxundu.