VI Uşaq Paralimpiya İdman Oyunları COVID-19 pandemiyası ilə bağlı yumşalmalar nəzərə alınaraq, bu il mərhələli şəkildə 5 idman növü üzrə keçirilib. Oyunlarda respublikanın müxtəlif regionlarından, eyni zamanda, Naxçıvan Muxtar Respublikasından olan paralimpiyaçı uşaqlar iştirak ediblər.Cüdo, pauerliftinq, stolüstü tennis, taekvondo və üzgüçülük idman növləri üzrə müxtəlif kateqoriyalarda 100-dən artıq fiziki məhdudiyyətli uşağın iştirak etdiyi Oyunlarda 21 dəst medal sahibini tapıb.
Azərbaycan Respublikası Milli Paralimpiya Komitəsinin nəzdində Uşaq Paralimpiya Komitəsi 2013-cü ildə “Azercell Telekom” MMC və UNICEF-in Azərbaycandakı nümayəndəliyinin dəstəyi ilə yaradılıb. 2015-ci ildən başlayaraq hər il ənənəvi olaraq Uşaq Paralimpiya İdman Oyunları keçirilir.
Qeyd edək ki, Milli Paralimpiya Komitəsinin üzgüçüləri "Tokio-2020" Yay Paralimpiya Oyunlarının çempionu Vəli İsrafilov və iştirakçısı Dana Şandıbina Uşaq Paralimpiya Komitəsinin yetirmələridirlər.
Xəbər 393 dəfə oxundu.