Litvanın Palanqa şəhərində təşkil olunmuş ənənəvi beynəlxalq turnirə start verilib. Idman.com.az saytının məlumatına görə, 17 yaşadək futbolçulardan ibarət Azərbaycan millisi bu gün ilk oyununu keçirib. Latviyalı həmyaşıdları ilə qarşılaşan seçməmiz 2:0 hesabı ilə qələbə qazanıb. Qolları Ülvü İbazadə və Mirkamil Haşımlı vurub. Yığmamız turnirdə ikinci oyununu avqustun 25-də, Bakı vaxtı ilə saat 17:30-da belaruslu həmyaşıdlarına qarşı keçirəcək.
Xəbər 812 dəfə oxundu.