“Oyunun kifayət qədər gərgin keçdiyini hamı müşahidə etdi. Qarşılaşmadan sonra da mübahisə müəyyən qədər gərginlik yaşandı”. İdman.com.az saytının xəbərinə görə, bunu “İnter”in futbolçusu Baçana Sxadadze klubun rəsmi saytına açıqlamasında deyib.Gürcüstanlı legioner Premyer Liqanın III turunda “Xəzər Lənkəran”la görüşdən sonra yaranan qalmaqaldan danışıb. O bildirib ki, belə anların yaşanmasını heç kəs arzulamaz.
“Təəssüf ki, zaman-zaman belə hallar baş verir və bu gün Azərbaycan azarkeşləri belə bir mənzərənin şahidi oldular. Təbii ki, belə mübahisəli anlarda futbolçular müəyyən davranışlara etirazlarını emosional şəkildə bildirməyə çalışırlar və bu zaman müəyyən xoşagəlməz anlaşılmazlıqlar da baş verir.
Amma həmin mübahisə anlarında Peşəkar Futbol Liqasının əməkdaşına xəsarət yetirməyim barədə yayılan informasiya, sözün əsil mənasında, məni xeyli təəccübləndirdi. Mən həmin anlarda PFL-in əməkdaşına xəsarət yetirməmişəm. Tamamilə yanlış informasiyadır”.
Xəbər 1008 dəfə oxundu.