“Qəbələ” - "Qarabağ" qarşılaşması heç-heçə başa çatıb

Noyabrın 29-da futbol üzrə Azərbaycan Premyer Liqasında XII tura yekun vurulub. Turun son oyunu Qəbələdə eyniadlı komanda ilə "Qarabağ" arasında keçirilib. Mərkəzi qarşılaşma qolsuz heç-heçə ilə başa çatıb. Qeyd edək ki, matçın baş hakimi Kamranbəy Rəhimov ilk dəfə çempionat oyununa təyinat alıb. Bu nəticədən sonra xallarının sayını 27-yə çatdıran Ağdam klubu liderliyini qoruyub. "Qırmızı-qaralar" isə 22 xalla üçüncü pillədəki yerini möhkəmləndirib. Qeyd edək ki, turun əvvəlki görüşlərində "Sabah" doğma meydanda "Keşlə"yə 2:1, "Neftçi" komandası "Səbail"ə 1:0, "Zirə" isə səfərdə "Sumqayıt" klubuna 3:0 hesabı ilə qalib gəlib.

Xəbər 292 dəfə oxundu.