“Pekin-2022”nin Olimpiya kəndi yanvarın 27-də açılacaq | |
Pekin Qış Olimpiya Oyunlarının Olimpiya kəndinin açılışı yanvarın 27-nə planlaşdırılır. Bu barədə “Pekin-2022”nin təşkilat komitəsinin sədr müavini, Çin paytaxtı merinin müavini Cjan Cyandun mətbuat konfransında bildirib. O deyib ki, dünyanın bütün ölkələrindən gələn idmançıları qarşılayacaq Olimpiya kəndinin rəsmi açılışı gələn il yanvarın 27-də baş tutacaq. Olimpiya məşəlinin estafeti isə fevralın 2-də başlayacaq. Xatırladaq ki, Pekin Olimpiadasının məşəli oktyabrın 20-də Afinadan Çinin paytaxtına gətirilib. Pekin Qış Olimpiya Oyunları fevralın 4-dən 20-dək keçiriləcək. |
|
Xəbər 307 dəfə oxundu. |
|
|