Oktyabrın 7-də futbol üzrə UEFA Millətlər Liqasında final mərhələsinin ikinci iştirakçısı müəyyənləşəcək.Yarımfinal mərhələsinin ikinci görüşündə Belçika və Fransa yığmaları üz-üzə gələcək. Turindəki “Yuventus” stadionunda oynanılacaq görüş Bakı vaxtı ilə saat 22:45-də başlayacaq. Matçı almaniyalı FIFA referisi Daniel Zibert idarə edəcək.
Xatırladaq ki, yarımfinal mərhələsinin ötən gün keçirilən birinci görüşündə İspaniya millisi İtaliyanı 2:1 hesabı ilə məğlubiyyətə uğradıb.
Turnirdə üçüncü yer uğrunda oyun və final matçı oktyabrın 10-da keçiriləcək.
Xatırladaq ki, UEFA Millətlər Liqası ikinci dəfə təşkil olunur. Bu turnirin ilk qalibi Portuqaliya millisi olub.
Xəbər 292 dəfə oxundu.