Monteneqronun Budva şəhərində keçirilmiş bədii gimnastika üzrə “Wild Beauty Cup” adlı beynəlxalq turnirdə Azərbaycan komandası 6 medal qazanıb.Azsport.az Azərbaycan Gimnastika Federasiyasına istinadla xəbər verir ki, yarışda fəxri kürsünün hər üç pilləsində yer alan Kamilla Seyidzadə komanda hesabına ən çox medal yazdıran gimnast olub. Belə ki, o, lentlə icra etdiyi çıxışı ilə bütün rəqiblərini üstələyərək qızıl medal qazanıb. Gürzlərlə gümüş, çoxnövçülük və halqa ilə yerinə yetirdiyi proqrama görə istedadlı gimnastımız bürünc medala sahib olub.
K.Seyidzadə daha bir bürünc medalı isə Alina Gözəlova ilə birlikdə komanda hesabında əldə edib. A.Gözəlova öz növbəsində topla nümayiş etdirdiyi çıxışına görə də bürünc mükafat əldə edib.
Yarışda iştirak edən digər təmsilçimiz Fəxriyyə Əliyeva ən yaxşı nəticəsini topla nümayiş etdirərək beşinci yerdə qərarlaşıb.
Xəbər 338 dəfə oxundu.