“Neftçi”nin rəqibi İsrail kuboku yarışlarının finalına yüksəlib

Bakının “Neftçi” klubunun Konfrans Liqasının pley-off mərhələsindəki rəqibi “Makkabi” (Hayfa) İsrail kuboku yarışlarının finalına yüksəlib. Hayfa təmsilçisi yarımfinalda “Hapoel”i (Təl-Əviv) 2:0 hesabı ilə məğlub edib. “Makkabi”nin qollarını Məhəmməd Abu-Fani və Din David vurublar. “Makkabi” finalda “Hapoel” (Beer-Şeva) ilə qarşılaşacaq. Oyun sentyabrın 21-də keçiriləcək. “Neftçi” klubu “Makkabi” ilə ilk oyunda 3:3 hesablı heç-heçə edib. Komandalar arasındakı cavab oyunu avqustun 26-da İsraildə təşkil olunacaq.

Xəbər 287 dəfə oxundu.