Bu gün "Sabah"-"Səbail" oyunu ilə Azərbaycan Premyer Liqasının yeni mövsümünə start verilib.Otuzuncu mövsümün ilk matçına "Bank Respublika Arena"a ev sahibliyi edib.
Baş hakim Rəşad Əhmədovun idarə etdiyi matçda "Səbail" minimal hesablı qələbə qazanıb - 1:0.
Matçın 30-cu dəqiqəsində "Səbaill"in futbolçusu Yurgen Qoxa fərqlənib. Bununla da ardıcıl 6-cı mövsümdə ilk qolu qonaq komanda vurub. Albaniyalı müdafiəçi son 6 ildə ilk qol müəllifi olan birinci legionerdir. Bunadək son 5 mövsümdə yerli oyunçular ilk qola imza atıblar.
Günün son oyununda Azərbaycan kubokunun son finalçıları - "Keşlə" və "Sumqayıt" üz-üzə gələcək. "ASK Arena"dakı matçın baş hakimi Kamal Umudlu olacaq. Oyun saat 20:30-da start götürəcək.
Qeyd edək ki, tura avqustun 15-də oynanılacaq "Zirə" - "Qarabağ" və "Neftçi" - "Qəbələ" qarşılaşmaları ilə yekun vurulacaq.
Xəbər 356 dəfə oxundu.