“Araz-Naxçıvan” klubu UEFA Çempionlar Liqasına hazırlığı davam etdirir

UEFA Çempionlar Liqasında ölkəmizi təmsil edəcək “Araz-Naxçıvan” futzal klubu hazırlığı davam etdirir. Tibbi müayinədən keçən Azərbaycan çempionu fiziki çalışmalara üstünlük verir. Futzalçılar bu məqsədlə gündə bir dəfə Bakı İdman Sarayının parketinə ayaq basırlar. Hazırda məşqçilərin sərəncamında ikisi qapıçı olmaqla 11 futzalçı var. Yeni transferlər - Conatas Felipe və Emanoel Rodriges, eləcə də İsak Surğalı isə avqustun 5-də komandaya qoşulacaq. Qeyd edək ki, “Araz-Naxçıvan” Çempionlar Liqasının ilkin mərhələsində avqustun 21-də “Europa” (Cəbəllütariq), ertəsi gün “Kampuksen Dinamo” (Finlandiya), avqustun 24-də isə “Raba” (Latviya) klubu ilə qarşılaşacaq. Təmsilçimizin yer aldığı qrupun oyunları Latviyada təşkil olunacaq.

Xəbər 339 dəfə oxundu.