Bu gün Azərbaycan kanoeçiləri XXX London Yay Olimpiya Oyunlarının final mərhələsində mübarizə aparacaq | |
Bu gün Azərbaycan kanoeçiləri Sergey Bezuqlıy və Maksim Prokopenkodan ibarət duet XXX London Yay Olimpiya Oyunlarının final mərhələsində mübarizə aparacaq. 2 nəfərlik qayıqla (C-2) 1000 metr məsafəyə seçmə yarışı lider kimi bitirən idmançılarımız həlledici sınağa saat 13:30-da çıxacaqlar. Onların rəqibləri Liviu Lazar-Dumitresku – Viktor Mixalaki (Rumıniya), Yaroslav Radon – Filip Dvoryak (Çexiya), Aleksey Korovaşkov – İlya Pervuxin (Rusiya), Peter Kretşmer – Kurt Kuşela (Almaniya), Maosinq Huanq – Li Kianq (Çin), Andrey Baqdanoviç – Aleksandr Baqdanoviç (Belarus) və Serxuey Torres – Xose Karlos Bulnes (Kuba) olacaq. Təmsilçilərimiz 4-cü yürüş zolağında yer alacaqlar. Qeyd edək ki, bu növdə Londonda iştirakla adını Olimpiada tariximizə yazdıran duetimiz finala yüksələrək güclərini sübuta yetiriblər. Bunun üçün onların medal qazanmasına inam böyükdür. |
|
Xəbər 1266 dəfə oxundu. |
|
|