Azərbaycan İdman Jurnalistləri Federasiyasının (AİJF) Ordumuzun Vətən müharibəsində qazandığı qələbəyə həsr olunmuş "Qarabağ Azərbaycandır!" futbol turniri başa çatıb.Milli Qəhrəman Gültəkin Əsgərova adına Məktəb Lisey Kompleksinin stadionunda (AzFar stadionu, keçmiş Caspian Center, Gənclik metrosu) final oyunu və 3-cü yer uğrunda matç gerçəkləşib.
İlk olaraq 3-cü yer uğrunda görüşdə "Ağdam" və "Zəngilan" komandaları üz-üzə gəlib. Rəqibinə 6:3 hesabı ilə qalib gələn "Ağdam" yarışın bürünc medalına sahib çıxıb.
Final qarşılaşması daha maraqlı alınıb. Oyunun əsas vaxtı 3:3 hesabı ilə yekunlaşıb. Penaltilər seriyasında "Qubadlı" komandası 5:3 hesablı qələbə qazanıb və turnirin qalibi olub.
Ardınca qaliblərə diplom və mükafatlar təqdim edilib.
"Qarabağ Azərbaycandır!"
26 iyun
3-cü yer uğrunda oyun
"Ağdam" - "Zəngilan" - 6:3
FİNAL
"Qubadlı" - "Füzuli" - 3:3, penalti seriyası 5:3
Qeyd edək ki, yarış Gənclər və İdman Nazirliyi, AFFA və Azərbaycan Dövlət Bədən Tərbiyəsi və İdman Akademiyasının (ADBTİA) dəstəyi ilə idman jurnalistləri arasında təşkil olunub.
Xəbər 424 dəfə oxundu.