Ağdamın “Qarabağ” klubunun sabiq futbolçusu Dani Kintana karyerasını Polşada davam etdirəcək.34 yaşlı yarımmüdafiəçi “Yagelloniya” klubuna keçib. Bu barədə Ekstraklasa təmsilçisinin mətbuat xidməti məlumat yayıb. Dani ilə müqavilə 2022-ci ilin yayınadək nəzərdə tutulub.
Dani daha əvvəl 2013/2014-cü il mövsümündə “Yagelloniya”da çıxış edib. İspaniyalı futbolçu 2015-2020-ci illərdə Azərbaycanda “Qarabağ”ın uğurları üçün çalışıb.
“Qarabağ”ın sabiq futbolçuları Mahir Emreli və Yakub Jezniçak da Polşada çıxış edir. Emreli “Legiya”nın, Jezniçak isə “Visla”nın uğurları üçün çalışır.
Xəbər 379 dəfə oxundu.