London 2012: qadın futbolçuların turnirində finalçılar müəyyənləşib | |
Londonda keçirilən XXX Yay Olimpiya Oyunlarında qadın futbolçuların turnirində finalçılar müəyyənləşib. Baş tutan yarımfinal oyunlarından sonra Yaponiya və ABŞ milliləri həlledici görüşə vəsiqə qazanıblar. Yaponiya millisi Fransanı 2:1 hesabı ilə udaraq buna nail olub. Amerikalıların işi isə xeyli çətin olub. Kanada millisi Şimali Amerika derbisində 3 dəfə hesabda önə keçsə də ABŞ futbolçuları hər dəfə bərabərlik qolunu vurub – 3:3. ABŞ millisi əlavə vaxtın sonuncu - 120-ci dəqiqəsində fərqlənərək finala yüksəlib. Qeyd edək ki, ABŞ millisi Olimpiadalar tarixində qadın futbolçuların bütün turnirlərində finala yüksəlib. 5-ci dəfə bunu bacaran amerikalılar 1996, 2004 və 2008-ci illərdə Olimpiadanın çempionu olub. 2000-ci ildə isıə buna finalda amerikalıları məğlub edən Norveç yığması imkan verməyib. |
|
Xəbər 921 dəfə oxundu. |
|
|