"Qarabağ Azərbaycandır" futbol turnirinin püşkü atılıb | |
Azərbaycan İdman Jurnalistləri Federasiyasının ofisində "Qarabağ Azərbaycandır" mini-futbol turnirinin püşkü atılıb. 8 komanda iki qrupa bölünüb. A qrupunda "Cəbrayıl", "Laçın" "Füzuli" və "Qubadlı", B qrupunda isə "Kəlbəcər", "Ağdam", "Şuşa" və "Zəngilan" kollektivləri yer alıb. Oyunlar Azərbaycan Dövlət Bədən Tərbiyəsi və İdman Akademiyasının stadionunda keçiriləcək. Turnirə iyunun 11-də "Cəbrayıl" - "Qubadlı" və "Kəlbəcər" - "Zəngilan" matçları ilə start veriləcək. Saat 11:00-da isə açılış mərasimi keçiriləcək. Turnirin final oyunu 26 İyun - Azərbaycan Respublikası Silahlı Qüvvələri Günündə olacaq. Jurnalistlərin rahatlığını təmin etmək məqsədilə, açılış günü və ilk tur istisna olmaqla, qalan digər oyunlar qeyri-iş günlərində təşkil ediləcək. Qalibin məhz 26 iyun - Silahlı Qüvvələr Günündə müəyyən edilməsi də “Qarabağ Azərbaycandır!” turniri üçün mühüm məna kəsb edir. Püşkdən sonra qruplar aşağıdakı kimi formalaşıblar. A Qrupu 1. Cəbrayıl 2. Laçın 3. Füzuli 4. Qubadlı B Qrupu 1. Kəlbəcər 2. Ağdam 3. Şuşa 4. Zəngilan 1-ci tur. 11 iyun, cümə 10.00 – Cəbrayıl – Qubadlı, Kəlbəcər – Zəngilan 11.00 – Açılış mərasimi 12.00 – Laçın – Füzuli, Ağdam – Şuşa 2-ci tur. 13 iyun, bazar 10.00 – Cəbrayıl – Füzuli, Laçın - Qubadlı 11.00 – Kəlbəcər – Şuşa, Ağdam – Zəngilan 3-cü tur. 15 iyun, çərşənbə axşamı (qeyri-iş günü) 10.00 – Cəbrayıl – Laçın, Füzuli - Qubadlı 11.00 – Kəlbəcər – Ağdam, Şuşa – Zəngilan Yarımfinallar. 19 iyun 10.00 – A qrupunun 1-cisi – B qrupunun 2-cisi 11.00 – B qrupunun 1-cisi – A qrupunun 2-cisi Həlledici oyunlar. 26 iyun (Saatlar dəyişdirilə bilər) 10.00 – 3-cü yer uğrunda qarşılaşma 11.00 – Final 12.00 – Mükafatlandırma |
|
Xəbər 414 dəfə oxundu. |
|
|