İtaliyanın Pesaro şəhərində bədii gimnastika üzrə dünya kuboku yarışları keçirilib.Yarışda bədii gimnastika üzrə yığma komandamızın üzvləri Zöhrə Ağamirova və Arzu Cəlilova iştirak ediblər.
Olimpiya Oyunlarına təsnifat xarakteri daşıyan kubok yarışlarından sonuncusu olan bu turnirdə Z.Ağamirova ən yaxşı nəticəni lentlə göstərərək 11-ci yerdə qərarlaşıb. Böyüklər arasında öz qüvvəsini bu ildən sınayan A.Cəlilova isə ən yaxşı nəticəni gürzlərlə göstərib (22-ci yer).
Xatırladaq ki, Z.Ağamirova 2019-cu ildə Bakıda keçirilmiş dünya çempionatında "Tokio-2020" Yay Olimpiya Oyunlarına lisenziyanı əldə edib.
Xəbər 368 dəfə oxundu.