Mayın 21-dən 31-dək Özbəkistanın paytaxtı Daşkənddə gənclər arasında ağır atletika üzrə dünya birinciliyi keçiriləcək.Azərbaycan Ağır Atletika Federasiyasından Azsport.az saytına verilən məlumata görə, 112 ölkədən 384 (220 kişi və 164 qadın) atletin qatılacağı yarışda Azərbaycan yığmasının beş üzvü qüvvəsini sınayacaq.
Baş məşqçilər Oktay Muxtarov (yeniyetmələr) və Maksum Xasanovun (gənclər) rəhbərliyi altında komandamızın üzvlərindən Tehran Məmmədov (61 kq), Murad Əliyev (67 kq), Ömər Cavadov (73 kq), Əliyev Füqan (81 kq) və Əli Şükürlü (102 kq) mübarizə aparacaqlar.
Yarışlarda ədalət təmsilçisi qismində ölkəmizi beynəlxalq dərəcəli hakim Vahid Nəzərov təmsil edəcək.
Xəbər 776 dəfə oxundu.