London 2012: ağırlıqqaldırma növündə bu gün keçiriləcək yarışın iştirakçıları 2 qrupda güclərini yoxlayacaqlar

London Yay Olimpiya Oyunlarında ağırlıqqaldırma növündə bu gün keçiriləcək yarışın iştirakçıları 2 qrupda güclərini yoxlayacaqlar. İdman.com.az saytının məlumatına görə, 69 kq çəki dərəcəsində mübarizəyə qoşulacaq 24 atletdən 10-u B, 14-ü A qrupunda yer alıb. Bu çəkidə möhtəşəm oyunlara qatılacaq Azərbaycan təmsilçiləri bir-birindən ayrı qruplara salınıb. Sərdar Həsənov Bakı vaxtı ilə saat 14:00-da yarışa başlayacaq zəiflərin arasında çıxış edəcək. Əfqan Bayramov isə saat 23:00-da əsas favoritlərlə birlikdə A qrupunda mübarizə aparacaq. Birdən qaldırma İlk cəhd - 138 kq sifariş edib, asanlıqla qaldırıb. İkinci cəhd - 145 kq-ı ram etməkdə çətinlik çəkməyib. Üçüncü cəhd - 150 kq-ın öhdəsindən gələ bilməyib Təkanla qaldırma İlk cəhd - 167 kq çəkinin öhdəsindən gəlib. İkinci cəhd - 176 kq çəkini də qaldırmaqda çətinlik çəkməyib. Üçüncü cəhd - 181 kq çəki sifariş etsədə bu çəkinin öhdəsindən gələ bilməyib. Qeyd edək ki, Olimpiadaya 5 kişi və 1 qadın atletlə yollanan millimizin artıq 2 idmançısı çıxışını başa vurub. Onlardan Valentin Xristov (56 kq) 3-cü, Boyanka Kostova (58 kq) 5-ci yeri tutub.

Xəbər 1443 dəfə oxundu.