Qrup hərəkətləri komandaları dünya kuboku yarışlarında mübarizəyə qoşulublar | |
Milli Gimnastika Arenasında keçirilən bədii gimnastika üzrə dünya kuboku yarışlarında qrup hərəkətləri komandaları mübarizəyə qoşulublar. Qrup hərəkətləri komandaları 5 topla proqramlarını təqdim edirlər. Ölkəmiz turnirdə Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinadan ibarət qrup hərəkətləri komandası təmsil olunur. Mayın 9-dək davam edəcək kubok yarışları "Tokio-2020" Yay Olimpiya Oyunlarına təsnifat xarakteri daşıyır. Qeydiyyat siyahısına əsasən, kubok yarışlarında 35 ölkədən 61-i fərdi və 106-sı qrup komandasının (18 qrup) üzvü olmaqla 167 gimnast iştirak edir. Ənənəyə uyğun olaraq, kubok yarışlarında ən çox icra xalını yığmış gimnast və qrup komandasına ənənəvi “AGF Trophy” kuboku təqdim olunacaq. |
|
Xəbər 362 dəfə oxundu. |
|
|