Fukuoka prefekturasında Olimpiya məşəli estafetində tamaşaçılar iştirak etməyəcəklər

Yaponiyanın Fukuoka prefekturasının rəhbərliyi koronavirus pandemiyası ilə əlaqədar Olimpiya məşəli estafetini ictimai yerlərdə tamaşaçıların iştirakı ilə keçirməyi qərara alıb. Bu barədə prefektura rəhbərliyi məlumat yayıb. Məlumatda Olimpiya məşəl estafeti üçün yeni formatın Beynəlxalq Olimpiya Komitəsi ilə razılaşdırılacağı qeyd olunub. Xatırladaq ki, Yaponiyada Olimpiya məşəli estafeti martın 25-də Fukusima prefekturasında yerləşən “J-Village” təlim-məşq bazasının ərazisində başlayıb. Ümumilikdə 121 gün davam edəcək estafetə 10 mindən çox iştirakçının qatılması nəzərdə tutulub. Estafetin 47 prefekturanı əhatə edən 859 bələdiyyənin ərazisindən keçəcəyi bildirilir. Xatırladaq ki, Tokio Olimpiya və Paralimpiya Oyunları 2020-ci il iyulun 24-dən avqustun 9-dək keçirilməli idi. Lakin koronavirus pandemiyasına görə bu yarışların vaxtı cari il iyulun 23-dən avqustun 8-dək dəyişdirilib.

Xəbər 342 dəfə oxundu.