Azərbaycan batutçuları “Trampoline Hopes Cup” adlı beynəlxalq turnirdə uğurla çıxış ediblər | |
Batut gimnastikası üzrə onlayn keçirilmiş “Trampoline Hopes Cup” adlı beynəlxalq turnirin qalibləri müəyyənləşib. Azsport.az Azərbaycan Gimnastika Federasiyasına istinadla xəbər verir ki, yarışda ölkəmizi 11-12 yaş qrupunda Ammar Baxşalıyev, 13-14 yaş qrupunda Maqsud Mahsudov və Hüseyn Abbasov, böyüklər arasında isə Selcan Mahsudova təmsil ediblər. Perspektivli batutçularımız 20 ölkədən 300-dən çox idmançının iştirak etdiyi bu turnirdən tam bir medal dəstini qazanıblar. Belə ki, A.Baxşalıyev birinciliyi əldən verməyib. 13-14 yaşlı gimnastlar arasındakı təmsilçilərimiz – M.Mahsudov və H.Abbasov müvafiq olaraq 1 və 2-ci yerləri öz aralarında bölüşdürüblər. Böyüklər arasında çıxış edən gimnastımız S.Mahsudov da komanda yoldaşlarından geri qalmayıb. O, bu yarışda üçüncü olub. |
|
Xəbər 374 dəfə oxundu. |
|
|