Azərbaycan Premyer Liqasında XIII tura start verilib

Aprelin 16-da futbol üzrə Azərbaycan Premyer Liqasında XIII tura start verilib. Günün ilk oyununda “Səbail” lider “Qarabağ”ı qəbul edib. “ASCO Arena”dakı qarşılaşma 1:1 hesabı ilə yekunlaşıb. Meydan sahiblərinin heyətində Amil Yunanov 37-ci dəqiqədə penaltidən hesabı açıb. 42-ci dəqiqədə isə Uroş Matiç Ağdam təmsilçisinin bərabərlik qolunu vurub. Xallarının sayını 47-yə çatdıran "Qarabağ" liderliyini davam etdirir. “Səbail” isə 21 xalla 6-cı sırada qərarlaşıb. Qeyd edək ki, günün digər matçında “Sumqayıt” “Qəbələ”ni qəbul edəcək. Tura bu gün oynanılacaq “Neftçi”–“Zirə” və “Keşlə”-“Sabah” matçları ilə yekun vurulacaq.

Xəbər 359 dəfə oxundu.