Naxçıvanda “C” kateqoriyalı məşqçi kurslarına yekun vurulub | |
AFFA-nın təşkilatçılığı, Naxçıvan Futbol Federasiyasının dəstəyi ilə Naxçıvan Muxtar Respublikasında “C” kateqoriyalı məşqçi kurslarına yekun vurulub. Azsport.az AFFA-ya istinadla xəbər verir ki, Uzunoba Təlim-Məşq İdman Kompleksinin inzibati binasında məşqçilik kursunu müvəffəqiyyətlə bitirən iştirakçılara “C” kateqoriyalı məşqçi lisenziyası və diplomlar təqdim edilib. Xatırladaq ki, AFFA-nın dəstəyi, Naxçıvan Muxtar Respublikası Gənclər və İdman Nazirliyi ilə Naxçıvan Futbol Federasiyasının birgə təşkilatçılığı ilə keçirilən kursa ötən ilin sentyabr ayında start verilib və fasilələrlə 3 modul şəklində icra olunub. Kursa muxtar respublikanın müxtəlif bölgələrindən 15 məşqçi qatılıb. |
|
Xəbər 388 dəfə oxundu. |
|
|