Avropa çempionatı: Daha üç taekvondoçumuz mübarizəyə qoşulur

Avropa çempionatının üçüncü yarış günü daha üç taekvondoçumuz yarışa qatılacaq. Qadın idmançımız Fəridə Əzizova (67 kq) Natalia İuliyeva (Belarus) və Elin Johansson (İsveç) cütünün qalibi ilə görüşəcək. Kişilərdən Ayxan Tağızadənin (74 kq) ilk rəqibi Atman Bouthouyak (Fransa) olacaq. Digər təmsilçimiz Milad Beigi Hərçəqani (80 kq) isə David Simek (Çexiya) və Oleksandr Filippov (İsrail) cütünün qalibi ilə qarşılaşacaq. Komandamız turnirdə 11 idmançı ilə təmsil olunur. Yarışa aprelin 11-də yekun vurulacaq.

Xəbər 413 dəfə oxundu.