Respublika stadionunun istifadəyə verilməsinin 70 ili tamam olacaq | |
Bu il Tofiq Bəhramov adına Respublika stadionunun istifadəyə verilməsinin 70 ili tamam olacaq. Stadion ilk dəfə 1961-ci il sentyabrın 16-da istifadəyə verilib. Sovet ittifaqı dövründə İ.Stalinin və V.İ.Leninin adını daşımış arenaya 1992-ci ildə dünyaca məşhur azərbaycanlı referi Tofiq Bəhramovun adı verilib. Arenanın ümumi sahəsi 20 hektardır. Stadionun əsas futbol meydançasının ölçüləri 105x72 metrdir. Meydançanın ətrafında salınmış 8 zolaqdan ibarət atletika cığırının uzunluğu 400 metrdir. Stadionda bir neçə köməkçi zallar da mövcuddur. Buraya eni 25, uzunluğu 50 metr olan güləş zalı, eləcə də boks zalı (25 m x 10 m), 2 ayrı futzal zalı, 1 açıq havada mini-futbol meydançası daxildir. 2012-ci il avqustun 16-da Tofiq Bəhramov adına Respublika Stadionu əsaslı təmir və yenidənqurmadan sonra istifadəyə verilib. Oturacaqların sayı 31 min 200-ə çatdırılıb. Stadionun ön giriş hissəsində bilet satışı binası inşa edilib. Burada eyni vaxtda 50 nəfərin keçə biləcəyi turniket keçid sistemi quraşdırılıb. Stadionun ön fasadında uzunluğu 30 metr olan elektron monitor quraşdırılıb. |
|
Xəbər 467 dəfə oxundu. |
|
|