Luis Hamilton Bəhreyn Qran-Prisinin qalibi olub
26-28 mart tarixlərində Formula 1 üzrə dünya çempionatında Bəhreyn Qran-Prisi keçirilib. 2021-ci il mövsümünün ilk yarışı Sahir dairəsində baş tutub. 57 dövrəlik mübarizənin qalibi "Mercedes" komandasının pilotu Luis Hamilton olub. Almaniyalı sürücü karyerasında 96-cı qələbəsinə imza atıb.

7 qat dünya çempionu finişə birinci çataraq, 25 xal toplayıb. "Red Bull"un niderlandlı pilotu Maks Ferstappen ikinci yerin sahibi kimi 18 xala yiyələnib. Üçüncü yeri tutan "Mercedes"in digər sürücüsü Valtteri Bottas isə 16 xal qazanıb.

Ümumilikdə finişə 20 pilotdan 16-sı çatmağı bacarıb. Nikita Mazepin ("Haas") 1-ci, Fernando Alonso ("Alpine") 35-ci, Nikolas Latifi ("Uilyams") və Pyer Qasli ("Alfa Tauri") 55-ci dövrədə mübarizəni dayandırıb.

Konstruktorların kubokuna “Mercedes” 41 xalla liderlik edir. “Red Bull Racing” 28 xalla ikinci, “McLaren” isə 18 xalla üçüncü yerdədir.

Qeyd edək ki, Formula 1-in növbəti mərhələsi 16-18 aprel İtaliyanın “İmola” avtodromunda baş tutacaq.

Xəbər 744 dəfə oxundu.