"Simurq" məşqləri ara vermədən davam etdirir

Avstriyada təlim-məşq toplanışında olan "Simurq" məşqləri ara vermədən davam etdirir. İdman.com.az saytının məlumatına görə, bu gün səhər saatlarında idmana çıxan komandada, yoxlama görüşündə əsas heyətdə forma geymiş futbolçular ayrı çalışıb. Qaçış və isinmə hərəkətlərindən sonra ayaq tennisi oynayıblar. Digərləri isə fiziki hazırlıq üzrə məşqçi Aleksandr Karakliçin rəhbərliyi altında hazırlığı davam etdirib. Sonda isə 2 hissəyə bölünərək taktiki çalışmalar üzərində işləyiblər. Georgi Çixradzenin yetirmələri sabah 2 məşqlə hazırlığı davam etdirəcək. "Simurq" iyulun 27-də növbəti – Avstriyadakı son yoxlama görüşünə çıxacaq, 28-də isə günortadan sonra Avstriyadakı təlim-məşq toplanışını başa vurularaq ölkəyə qayıdacaq.

Xəbər 973 dəfə oxundu.