“Tokio-2020”nin Olimpiya məşəli estafetinin startı tamaşaçısız keçiriləcək | |
Yaponiyanın koronavirusa pandemiyasına qarşı həyata keçirdiyi tədbirlərlə əlaqədar “Tokio-2020” ərəfəsində Olimpiya məşəli estafetinin startı tamaşaçısız keçiriləcək. Bu barədə “Yomiuri” qəzeti məlumat verib. Məşəl estafetinin startında tədbirə dəvət olunmuş qonaqlar da daxil olmaqla, təxminən 3 min nəfərin qatılması planlaşdırılmışdı. Mərasimdə uşaqlar da daxil olmaqla, bir sıra sənətçilərin çıxış etməsi nəzərdə tutulmuşdu. Bununla yanaşı, infeksiyanın yayılması ilə əlaqədar qeyri-sabit vəziyyət səbəbindən tədbirin miqyası əhəmiyyətli dərəcədə azalıb. Olimpiya məşəli estafetinin startının martın 25-də Fukusima prefekturasındakı futbol təlim mərkəzində keçirilməsi planlaşdırılır. Estafet 121 gün davam edəcək və məşəlin ölkənin bütün 47 əyalətindəki 859 bələdiyyədən keçməsi planlaşdırılır. Estafetdə təxminən 10 min nəfərin iştirakı gözlənilir. |
|
Xəbər 402 dəfə oxundu. |
|
|