Formula 1-in rəsmi maskalarının satışı dayandırılıb

Formula 1 üzrə dünya çempionatının təkrar istifadə edilə bilən və rəsmi maskaları olan “U-Mask” qalmaqala səbəb olub. İtaliya Səhiyyə Nazirliyi bu maskaların satışını qadağan edib. İtaliya polisinin apardığı araşdırmanın nəticələrinə görə, bu maskalar adi tibbi maskadan daha pis koronavirusdan qoruyur və sağlamlıq üçün potensial təhlükə yaradır. Ötən mövsümdə bu maskalardan, demək olar ki, Formula 1 əməkdaşlarının hamısının istifadə etdiyi diqqət çəkib. Araşdırmanın nəticələrinə görə, bu maskaların sertifikatlaşdırılmasının pozuntularla aparıldığı ortaya çıxıb. Çünki maskaların keyfiyyətini bunu etmək hüququ olmayan laboratoriyanın yoxladığı məlum olub. Nəticədə, Bolzano şəhər prokurorluğunun bu iş üzrə vəzifə səlahiyyətlərindən sui-istifadə ilə bağlı cinayət işi açdığı bildirilir. Formula 1 maskaların satışdan çıxarılmasına dair məlumatları hələ şərh etməyib.

Xəbər 378 dəfə oxundu.